Fréttir

Hlaðvarpsherbergi - styrkur frá foreldrafélagi Giljaskóla

Foreldrafélag Giljaskóla gaf skólanum nýlega styrk til að kaupa búnað fyrir hlaðvarpsgerð nemenda (podcast). Styrkurinn var nýttur í að kaupa þann búnað sem til þurfti og hefur þetta vakið mikla lukku. Bæði kennarar og nemendur hafa verið duglegir að nýta sér aðstöðuna til að taka upp hlaðvörp til að nýta í kennslu og til að skila verkefnum. Við erum foreldrafélaginu afar þakklát fyrir þetta frábæra framtak. Það er nauðsynlegt að nemendur hafi aðgang að fjölbreyttum aðferðum til að miðla efni og þjálfist í að koma fram. Að hafa aðgang að hljóðveri gerir okkur kleift að nýta fleiri miðla við verkefnaskil og í framtíðinni sjáum við fyrir okkur að nýta þetta til að gera kennsluefnið aðgengilegra fyrir nemendur, öllum til hagsbóta.
Lesa meira

Hlaðvarpsherbergi

Foreldrafélag Giljaskóla gaf á dögunum skólanum styrk til að kaupa búnað fyrir hlaðvarpsgerð nemenda (podcast). Styrkurinn var nýttur í að kaupa þann búnað sem til þurfti og hefur þetta vakið mikla lukku. Bæði kennarar og nemendur hafa verið duglegir að nýta sér aðstöðuna til að taka upp hlaðvörp til að nýta í kennslu og til að skila verkefnum og erum við afskaplega þakklát fyrir þetta frábæra framtak. Það er nauðsynlegt að nemendur hafi aðgang að fjölbreyttum aðferðum til að miðla efni til annara og þjálfist í að koma fram. Að hafa aðgang að hljóðveri gerir okkur kleift að nýta fleiri miðla við verkefnaskil og í framtíðinni sjáum við fyrir okkur að nýta þetta til að gera kennsluefnið aðgengilegra fyrir nemendur, öllum til hagsbóta.
Lesa meira

Skólahald næstu dagana

Nú hefur heilbrigðisráðherra gefið út að sóttvarnarráðstafanir verði óbreyttar til 9. desember. Við höldum því okkar fyrirkomulagi hér í Giljaskóla þangað til. Stundatöflur nemenda á unglingastigi eru aðgengilegar á heimasíðu skólans undir heimaskóli. Áfram munum við bjóða upp á mat og mjólkuráskrift fyrir nemendur í 1. - 7. bekk. Við leggjum okkur fram um að skapa gleði og góða stemningu hér í skólanum og hugum áfram vel að sóttvörnum. Saman klárum við þetta verkefni.
Lesa meira

Skólahald til og með 1. desember

Nú færumst við nær því að skólastarfið komist aftur í hefðbundið horf. Þó þurfum við að halda út aðeins lengur eða fram til 2. desember og sjá þá hver fyrirmæli sóttvarnaryfirvalda verða þá. Frá og með næsta mánudegi til og með 1. desember gerum við nokkrar breytingar á skipulaginu sem sjá má hér fyrir neðan:
Lesa meira

Giljaskóli hlýtur viðurkenningu sem réttindaskóli Unicef

Í dag, á alþjóðlegum réttindadegi barna, hlaut Giljaskóli viðurkenningu sem réttindaskóli UNICEF eftir rúmlega eins árs innleiðingarstarf. Vegna samkomutakmarkana var ekki hægt að halda upp á daginn á sal skólans eins og við hefðum helst kosið, en í staðinn var í hverjum bekk spilað stutt myndskeið með nokkrum orðum frá framkvæmdastjóra Unicef og skólastjóra. Unnin voru ýmis verkefni tengd barnasáttmálanum í öllum bekkjum. Fulltrúar nemenda í réttindaráði skólans fengu sérstaka viðurkenningu fyrir sín störf og allir árgangar fengu viðurkenningarskjal sem þeir skrifuðu undir. Loks var nemendum boðið upp á skúffuköku í tilefni dagsins. UNICEF hefur verið duglegt að deila ýmsu sniðugu frá starfinu í Giljaskóla á samfélagsmiðlum sínum en instagram reikninginn þeirra má nálgast hér. RÚV kom einnig í heimsókn og tók upp myndskeið og myndir og tók viðtöl við nokkra nemendur í réttindaráði. Við stjórnendur viljum þakka réttindaráði skólans og réttindaskólanefnd fyrir frábær störf í innleiðingarferlinu og við undirbúning þessa dags. Við gleðjumst sannarlega yfir þessum mikilvæga áfanga og vonum að starfshættir okkar munu bera merki réttindaskóla um ókomna tíð.
Lesa meira

Fræðsla gegn einelti í tilefni af alþjóðlegum baráttudegi gegn einelti

Þann 8. nóvember var alþjóðlegur baráttudagur gegn einelti. Af því tilefni nýttum við liðna viku til að vinna samkvæmt nýrri fræðsluáætlun okkar gegn einelti. Góð fræðsla eykur vitund barna um einelti og getur komið í veg fyrir að það eigi sér stað. Giljaskóli býr yfir góðri viðbragðsáætlun gegn einelti en það er alltaf markmið okkar að þurfa ekki að virkja hana. Fræðsluáætlunin okkar gengur út á það að á þessum degi fái hver einasti árgangur skólans fræðslu sem miðar að aldri þeirra. Unnið út frá sögum, leikritum eða bíómyndum sem á einhvern hátt fjalla um samskipti og einelti. Við væntum þess að þessi viðbót komi sterk inn í forvarnarstarfið okkar.
Lesa meira

Skólastarfið næstu daga og vikur

Í gærkvöld birti heilbrigðisráðuneytið reglugerð um takmarkanir á skólastarfi. Í kjölfarið höfum við endurskoðað skipulag skólastarfsins frá og með þriðjudeginum 3. nóvember til og með 17. nóvember 2020. Við erum búin að skipta öllum skólanum í hólf/svæði og höfum eins lítil samskipti á milli svæða og við mögulega getum. Við getum vissulega nýtt okkur reynsluna frá því í vor þar sem við erum á svipuðum stað núna og við vorum í mars.
Lesa meira

Skipulagsdagur á morgun, mánudaginn 2. nóvember

Kæru foreldrar og forráðamenn nemenda í Giljaskóla Fræðsluyfirvöld á Akureyri hafa ákveðið að hafa skipulagsdag mánudaginn 2. nóvember í leik- og grunnskólum, tónlistarskólanum og frístundastarfi vegna hertra sóttvarnaaðgerða stjórnvalda. Þetta er gert svo starfsfólk skólanna fái svigrúm til að endurskipuleggja skólastarfið og tryggja að sóttvarnir verði eins vandaðar og kostur er. Þriðjudaginn 3. nóvember verður starf leik-, grunn og tónlistarskóla samkvæmt breyttu skipulagi og nýrri reglugerð um sóttvarnir í leik- og grunnskólum. Nánari upplýsingar um skólastarfið verða sendar frá skólunum til foreldra og forsjáraðila fyrir dagslok á morgun, mánudag. Með kærri kveðju, skólastjórnendur Giljaskóla Kristín, Vala og Helga Rún.
Lesa meira

Til foreldra / forráðamanna barna í Giljaskóla

Í framhaldi af upplýsingafundi stjórnvalda í dag um frekari takmarkanir í samfélaginu vegna útbreiðslu Covid-19 má búast við breyttu fyrirkomulagi á skólastarfi eftir helgi. Við munum endurskipuleggja skólastarfið í samræmi við nýja reglugerð um skólastarf sem von er á um helgina. Þið fáið upplýsingar um fyrirkomulagið framundan um leið og það liggur fyrir, trúlega seinnipartinn á sunnudag. Nú þurfum við halda í bjartsýnina og klára þetta í sameiningu. Með kærri kveðju frá skólastjórnendum í Giljaskóla, Kristín, Vala og Helga Rún
Lesa meira

Öryggi nemenda í Giljaskóla

Öryggi nemenda í Giljaskóla Heil og sæl kæru foreldrar/forráðamenn barna í Giljaskóla. Allir geta verið sammála um nauðsyn þess að tryggja öryggi barna á leið í og úr skóla. Við biðlum til ykkar um að huga vel að öryggi barnanna á leið í og úr skóla. Giljaskóli er fjölmennur vinnustaður, hér eru um 400 nemendur og hér starfa um 80 starfsmenn. Auk þess deilum við að hluta til bílastæðum með leikskólanum Kiðagili og er mikil umferð þar á morgnana. Nú er skammdegið skollið á og því er dimmt þegar nemendur koma í skólann á morgnana og því viljum við hvetja ykkur til að tryggja að börnin séu með endurskinsmerki. Einnig þurfum við sem mest við getum að minnka umferð á skólalóðinni. Margir nemendur eru keyrðir að skólanum og þetta skapar hættu hjá þeim sem eru að koma gangandi eða hjólandi í skólann. Við hvetjum til að börn innan hverfisins komi gangandi eða hjólandi (þá með ljós að framan og aftan) og þeir nemendur sem koma úr öðrum hverfum nýti strætó ef hægt er. Það er auk þess lýðheilsu- og umhverfismál að venja sig á að ganga, hjóla eða nota almenningssamgöngur. Lengi býr að fyrstu gerð. Með kærri kveðju, starfsfólk Giljaskóla
Lesa meira