Bókasafn

 

Bókasafn Giljaskóla

Bókasafn skólans er á 2. hæð í fallegu 120 fermetra rými. Áætlaður safnkostur er um níu þúsund bækur, skáld- og fræðirit, til útlána fyrir nemendur og kennara. Auk þess eru þar hljóðbækur, myndbönd, tímarit, hljómdiskar, mynddiskar og spil. Lánstími er 2 vikur nema um annað sé samið. Safnið er opið nemendum frá 8-14.30 (nema þegar þar er kennsla) og fastur útlánatími í vetur er milli 8 og 9:20.

 

Safnkennsla

Safnkennsla er skipulögð eftir þörfum í samráði við umsjónarkennara hvers bekkjar fyrir sig. Margs konar samvinnuverkefni eru unnin og nemendur fá fræðslu um bókasöfn og Dewey kerfið. Á safninu er vinnuaðstaða fyrir 12-14 nemendur. Að öðru leyti er safnið opið fyrir margvíslega starfsemi; nemendur geta leitað heimilda, stundað nám og lesið eða spilað sér til afþreyingar í frítíma. Tvær fartölvur eru á safninu ætlaðar til að nota við nám auk fjögurra borðtölva sem komnar eru til ára sinna. Einnig hægt að fá lánað úr fartölvuveri ef þarf.

 

Upplestur

Á aðventunni fer að venju fram lestur úr nýjum barna- og unglingabókum fyrir alla nemendur skólans.

 

Leitir.is og Gegnir.is

Safnið er tengt landskerfi bókasafna. Upplýsingar um gögn safnsins eru aðgengilegar á netinu leitir.is eða á gegnir.is og geta börn og foreldrar því skoðað hvað er til úr sinni tölvu.

Umsjón með safninu hefur Ingunn V. Sigmarsdóttir kennari.