Fréttir

Ólympíuhlaup ÍSÍ (a.k.a. Norræna skólahaupið) hjá nemendum Giljaskóla, verður á morgun, miðvikudaginn 11.september 2019. Aðaláherslan er að sem flestir hreyfi sig hvort sem gengið, skokkað eða hlaupið er ! Hringurinn sem farinn er, er 2,5 kílómetrar og hvetjum við starfsmenn að taka einnig þátt

Í Giljaskóla eru nokkur börn með bráðaofnæmi fyrir hnetum og því mikilvægt að taka tillit til þeirra. Einstaklingur með bráðaofnæmi fyrir hnetum þarf ekki að borða hnetur til að fá ofnæmisviðbrögð. Nóg er að hann komist í snertingu við matvæli sem innihalda hnetur eða snertingu við einstakling sem hefur verið að meðhöndla hnetur til að valda mjög slæmum og lífshættulegum ofnæmisviðbrögðum. Skólinn er því hnetulaus skóli frá og með mánudeginum 9.9 2019, sem þýðir að hvorki nemendur né starfsmenn koma með hnetur inn í skólann. Það sama gildir um t.d. bakkelsi á árshátíðum eða á bekkjarskemmtunum. Við biðjum foreldra um að gæta þess að börnin komi ekki með nesti sem inniheldur hnetur (t.d. jarðhnetur, heslihnetur, valhnetur, kasjúhnetur, pekanhnetur og möndlur). Dæmi um slíkt er: hnetujógúrt, abt-mjólk með hnetumúsli, brauð með hnetusmjöri, hnetur í poka, alls kyns orkustykki, flestar tegundir af Corny, sumt morgunkorn og fleira.

Kæru nemendur 2. - 10. b. og foreldrar / forráðamenn Giljaskóli verður settur fimmtudaginn 22. ágúst kl. 10:00. Við byrjum í íþróttasal skólans þar sem Kristín skólastjóri setur skólann. Síðan fara nemendur með umsjónarkennurum sínum í kennslustofur og eiga samtal um skólastarfið sem framundan er. Kennsla hefst samkvæmt stundaskrá föstudaginn 23. ágúst. Nemendur í 1. bekk og foreldrar þeirra hitta umsjónarkennara í samtölum 22. og 23. ágúst. Foreldrar munu fá bréf um það frá umsjónarkennurum.