Fréttir

Frá Giljaskóla

Í ljósi nýrra upplýsinga um hertar sóttvarnarreglur á landsvísu sem taka gildi á miðnætti er skólanum lokað. Nemendur í Giljaskóla eru því komnir í páskafrí. Frístund verður einnig lokuð þennan sama tíma. Þriðjudagurinn 6. apríl er skipulagsdagur. Nánari upplýsingar um skólahald eftir páska verður sent út þegar þær liggja fyrir. Gleðilega páska
Lesa meira

Árshátíðardagar 1. - 7. bekkjar og sérdeildar í Giljaskóla

Nú standa yfir árshátíðardagar í Giljaskóla. Þeir eru með breyttu sniði að þessu sinni vegna sóttvarnarráðstafana og því eru ekki foreldrasýninar eða kaffihlaðborð, Hátíðin var samt haldin hjá nemendum og starfsfólki og í gær voru fjölbreytt, metnaðarfull og skemmtileg atriði sýnd á nemendasýningm. Nemendur sérdeildar gerðu líflegt og skemmtilegt tónlistarmyndband, 1. - 3. bekkur sýndi Tröll í þremur hlutum, 4. bekkur kynnti okkur fyrir Bakkabræðrum, 5. bekkur sýndi Ávaxtakörfuna, 6. bekkur var með skemmtilegt taktfast dansatriði og 7. bekkur sýndi stutt skemmtileg myndbrot og sungu síðan vinalag við fallegan texta Ingunnar Sigmarsdóttur skólasafnskenara Giljaskóla. Mikil stemning var í húsinu og gleðin við völd :) Í dag vinna nemendur á stöðvum í blönduðum hópum og enda skóladaginn á diskói í íþróttasal skólans.
Lesa meira

Ásmundur Einar heimsækir Giljaskóla

Í dag, þriðjudaginn 23. mars, kom Ásmundur Einar Daðason, félags- og barnamálaráðherra í heimsókn til okkar í Giljaskóla. Tilefnið var að kynnast starfinu í Giljaskóla og heyra hvaða áhrif það hefur á skólastarfið að Giljaskóli sé orðinn Réttindaskóli Unicef. Þrír nemendur skólans, þau Brynja Dís, Ívan Elí og Kristinn Örn, fulltrúar úr réttindaráði skólans, gengu um skólann með ráðherra, sögðu frá skólastarfinu og svöruðu fyrirspurnum ásamt fulltrúum starfsfólks í réttindaráði og stjórnendum. Við þökkum Ásmundi Einari hjartanlega fyrir komuna!
Lesa meira

ABC söfnun í Giljaskóla

Nú er söfnun fyrir Ibrahim og Kevine er lokið. Við náðum markmiðinu, en það var að safna 84 þúsund krónum sem dugar til að greiða skólagjöld fyrir þau í eitt ár. Við gerðum aðeins betur en það, söfnuðum 93.542 kr. Það sem kom umfram verður geymt á reikningi og getur komið sér vel síðar. Í fyrra gátum við notað pening sem hafði safnast á reikninginn til að aðstoða fjölskyldur ABC barna í formi matarpakka, en Covid hafði haft þau áhrif að matur var dýr og erfiðara að nálgast hann.
Lesa meira

Stuttmyndadagar

Í næstu viku þriðjudaginn 16. mars - fimmtudagsins 18. mars verða stuttmyndadagar. Þá vinna nemendur unglingastigs í 6 hópum og gera jafnmargar stuttmyndir eftir handritum sem unnin voru í vetur. Á þriðjudag og miðvikudag verður unnið í stuttmyndum frá 8:10-13:00 og á fimmtudaginn frá 8:10-11:10 en eftir hádegið fer 8. bekkur í íþróttir, 9. bekkur í list- og verkgreinar og 10. bekkur í sund. Skyldumæting í valgreinar, stærðfræðival fellur niður.
Lesa meira

Samræmdum könnunarprófum í 9. bekk frestað

Í samræmdu könnunarprófi í íslensku í 9. bekk sem lagt var fyrir í morgun komu upp tæknileg vandamál í prófakerfi. Vandinn lýsti sér í því að nokkrir nemendur áttu erfitt með að komast inn í prófin eða duttu ítrekað út úr kerfinu. Allir nemendur Giljaskóla náðu þó að ljúka prófinu. Menntamálastofnun hefur ákveðið að fresta samræmdum könnunarprófum í stærðfræði og ensku í þessari viku og í Giljaskóla munu þau verða lögð fyrir í vikunni fyrir páskafrí.
Lesa meira

Stóra upplestrarkeppnin í Giljaskóla

Í morgun áttum við góða stund, þar sem nemendur úr 7. bekk tóku þátt í forkeppni Giljaskóla fyrir Stóru upplestrarkeppnina. Nemendur lásu textabrot úr bókinni Ys og þys út af öllu eftir Hjalta Halldórsson og ljóð úr nýjustu ljóðabók Þórarins Eldjárns, Fuglaþrugl og naflakrafl. Við mat á lestri er horft til ýmissa þátta, svo sem framburðar, raddstyrks, blæbrigða í lestri og hve nemendum tekst vel að túlka textann. Að lokum valdi dómnefndin þær Kolfinnu Stefánsdóttur og Matthildi Ingimarsdóttur sem fulltrúa Giljaskóla í lokakeppninni og Tinna Dís Axelsdóttir verður varamaður þeirra. Lokakeppnin mun fara fram í Kvosinni í Menntaskólanum á Akureyri þann 10. mars næstkomandi.
Lesa meira

Lífshlaupið er hafið!

Eins og allir vita er Giljaskóli heilsueflandi grunnskóli. Megintilgangur þess er að vinna að því að nemendur og starfsfólk skólans skapi sér heilbrigðan lífsstíl til frambúðar. Verkefnið felst í hvatningu og leiðbeiningum en ekki boðum og bönnum. Á síðasta ári tóku bæði starfsfólk og nemendur skólans þátt í Lífshlaupinu, sem er heilsu- og hvatningarverkefni Íþrótta- og Ólympíusambands Íslands sem höfðar til allra aldurshópa. Lífshlaupið gengur í meginatriðum út á það að hvetja fólk til aukinnar hreyfingar í daglegu lífi. Við höfum skráð okkur til leiks á ný og hefst gamanið í dag, miðvikudaginn 3. febrúar. Öll miðlungserfið og erfið hreyfing telur en nemendur þurfa að ná samtals a.m.k. 60 mínútna hreyfingu á dag (má vera í nokkrum áföngum yfir daginn). Grunnskólakeppnin (keppni nemenda) stendur í tvær vikur en vinnustaðakeppnin í þrjár. Við biðjum ykkur foreldra og forráðamenn að taka virkan þátt í þessu með okkur og hvetja börnin til hreyfingar, hreyfa ykkur með þeim og aðstoða þau við skráningu.
Lesa meira

Símanotkun í unglingadeild Giljaskóla

Símanotkun í unglingadeild Giljaskóla Nokkrir nemendur 10. bekkjar lögðu könnun fyrir nemendur unglingadeildar Giljaskóla um símanotkun. Könnunin var lögð fyrir nemendur þriðjudaginn 26. janúar. Um 89% nemenda í unglingadeild svöruðu könnuninni. Nemendur fóru inn í stillingar í símanum sínum og skoðuðu hve miklum tíma þeir vörðu í símanum sínum laugardaginn 23. janúar og mánudaginn 25. janúar. Enn fremur var skoðað meðaltal síðustu viku, dagana 18.-24. janúar. Svefnþörf unglinga er misjöfn en þeir þurfa
Lesa meira

Forritun í Giljaskóla með styrk frá Forriturum framtíðarinnar

Giljaskóli hefur að undanförnu lagt aukna áherslu á menntun í upplýsingatækni og það að nýta möguleika tæknilegra lausna til að auka gæði náms nemenda skólans. Í vor hlaut skólinn styrk frá forriturum framtíðarinnar til kaupa á ýmsum tækjum til forritunar- og tæknikennslu, en meginhlutverk sjóðsins er að efla forritunar- og tæknimenntun í grunn- og framhaldsskólum landsins. Giljaskóli hlaut 200.000 króna styrk og þakkar Forriturum framtíðarinnar innilega fyrir veittan stuðning. Styrkurinn var nýttur til kaupa á Lego WeDo 2.0 en þar fá nemendur tækifæri til að læra undirstöðuna í forritun og ýmislegt um vélbúnað. Nemendur byggja og forrita auðveldar vélar, sem tengjast við tölvu. Einnig voru keyptir drónar, sem taka myndir og myndbönd og Osmo forritunarleikurinn Detective Agency.
Lesa meira