Giljaskóli

Þá er svakalegu lestrarkeppninni lokið og viljum við þakka ykkur öllum kærlega fyrir þátttökuna. Það er gaman að segja frá því að nemendur skólans lásu 820 bækur á þessum tíma, virkilega vel gert. Árgangur 2017 las að meðaltali flestar mínútur í þetta skipti og óskum við þeim innilega til hamingju.

Í dag fengum við frábæran stuðning úr grenndarsamfélaginu sem gerir okkur kleift að efla útinám og skemmtilega útivist enn frekar. Matvöruverslunin Krónan styrkir Giljaskóla með rausnarlegri peningagjöf til þess að útbúa útikennslustofu í Rjóðrinu, sem er okkar dásamlega útisvæði.