Skólasetning 23. ágúst

Skólasetning Giljaskóla verður mánudaginn 23. ágúst. Vegna sóttvarnaraðgerða mun skólasetning skólastjóra fara fram í kennslustofum nemenda með rafrænum hætti.

Nemendur 2. - 10. bekkjar og sérdeildar mæta í kennslustofur kl. 9:00. Gert er ráð fyrir að skólasetning taki hálfa til eina klukkustund. Vegna þessara aðstæðna getum við því miður ekki boðið foreldrum að vera með.

Nemendur 1. bekkjar og foreldrar þeirra hafa verið boðaðir í viðtöl hjá umsjónarkennurum 23. og 24. ágúst. 

Frístund opnar kl. 9:30 á skólasetningardag fyrir þau börn sem þar eru skráð. 

Kennsla hefst samkvæmt stundaskrá þriðjudaginn 24. ágúst hjá 2. - 10. bekk, en hjá 1. bekk miðvikudaginn 25. ágúst. Valgreinar á unglingastigi hefjast vikuna eftir. 

Kennsla hefst kl. 8:10 á morgnana, en skólinn opnar 7:50 og er nemendum velkomið að fá sér hafragraut í matsal í upphafi dags.

Við þurfum öll að vera mjög vel vakandi varðandi einkennum covid og nauðsynlegt er að halda börnum heima séu eftirfarandi einkenni fyrir hendi: Hósti, hiti, hálssærindi, kvefeinkenni, andþyngsli, bein- og vöðvaverkir, þreyta, kviðverkir, niðurgangur, uppköst, skyndilegt tap á lyktar- og bragðskyni eða höfuðverkur.

Varðandi gestakomur í skólann þurfum við að takmarka þær eins mikið og unnt er. Við tökum þó á móti nýjum nemendum í heimsókn með foreldrum sínum og reynum við þær aðstæður að gæta fyllstu varúðar og sóttvarna. Nauðsynlegt er að spritta hendur við komuna inn í skólann og bera andlitsgrímur. 

Hér má sjá yfirlit yfir heimastofur árganga og innganga sem nemendur nota:

Allar mikilvægar upplýsingar frá skólanum munu berast ykkur í tölvupósti (í gegnum Mentor) og svo birtast fréttir á heimasíðu og fésbókarsíðu skólans.