Upplýsingar frá Giljaskóla vegna Covid-19

Kæru foreldrar/forráðamenn nemenda Giljaskóla

Nú eru orðnar breyttar aðstæður hjá okkur í grunnskólunum í kjölfar samkomubanns vegna COVID - 19. Á vef almannvarna kemur eftirfarandi fram varðandi samkomubann:

  • Grunnskólar mega hafa kennslu í skólabyggingum ef þeir tryggja að ekki séu fleiri en 20 nemendur í sömu kennslustofu og að nemendurnir blandist ekki milli hópa, til dæmis í mötuneyti eða frímínútum. Eins þarf að þrífa eða sótthreinsa skólabyggingarnar eftir hvern dag.

Eins og gefur að skilja hefur þessi tilskipun í för með sér talsvert miklar breytingar á hefðbundnu skólastafi sem við erum nú að skipuleggja. 

Skólinn hefur fjölgað í öryggisráði skólans sökum aðstæðna. Ráðið fundar daglega meðan neyðarstig stendur yfir. Í ráðinu sitja Kristín, Vala og Helga Rún (stjórnendur skólans), Hrefna (úr sérdeild), Gummi smíðakennari, Ingunn (skólasafnskennari), Ella ritari, Sigfús (kennari á unglingastigi) og Gummi húsvörður. 

Vegna samkomubanns verður ekki unnt að halda árshátíð nemenda sérdeildar og 1. - 7. bekkjar sem fyrirhuguð var 25. og 26. mars. Við skoðum möguleika á árshátíð þegar nær dregur sumri.

Við stjórnendur í Giljaskóla verðum í samvinnu við fræðsluyfirvöld varðandi skólastarf næstu vikurnar. Við munum senda ykkur upplýsingar um helgina hvernig skólastarfi verður háttað eftir helgi. Starfsfólk skólans og foreldrar/forráðamenn munu fá tölvupóst um helgina og einnig verða settar upplýsingar á heimasíðu og facebook síðu skólans. 

Nú hefur einn kennari í skólanum verið settur í sóttkví. Þeir foreldrar sem eiga börn sem þessi kennari hefur kennt hafa verið upplýstir nánar um það. 

Nauðsynlegt er að allir haldi ró sinni og útskýri á yfirvegaðan hátt þessar breyttu aðstæður fyrir börnunum. Við bendum á nýja síðu sem sett hefur verið í loftið: https://www.covid.is/

Með von um gott samstarf,

Kristín Jóhannesdóttir, skólastjóri

Helga Rún Traustadóttir, deildarstjóri yngri deildar

Vala Björk Stefánsdóttir, deildarstjóri eldri deildar / staðgengill skólastjóra