Sérdeild

Hlutverk deildarinnar er að sinna:

- Kennslu og þjálfun barna með alvarlega greindarfötlun og aðrar viðbótafatlanir.

- Ráðgjöf til kennara, foreldra og annarra sem tengjast þessum hópi nemenda.

Samkvæmt grunnskólalögum skulu öll börn sækja skóla í heimabyggð sinni með þeirri undantekningu að foreldrar og fagfólk telji fötlun nemandans koma í fyrir að almennur skóli geti veitt honum viðunandi kennslu og þjónustu. Forráðamenn geta þá sótt um skólavist í sérdeild. Endanleg ákvörðun um skólavist er tekin í samráði þessara aðila og heimaskóla barnsins eftir að sérfræðimat á stöðu mála hefur átt sér stað hjá ráðgjafaþjónustu ríkis eða sveitarfélags.

Sérdeildin er rekin af Akureyrarbæ en getur jafnframt sinnt nemendum úr öðrum sveitafélögum á Norðurlandi í skemmri eða lengri tíma ef aðstaða er fyrir hendi. Akureyrarbær og viðkomandi sveitafélag gera með sér samning um tilhögun skólagöngunnar og kostnað.

Kennsla

Gerð er einstaklingsnámsskrá fyrir nemendur í sérdeild þar sem námsþarfir eru skilgreindar. Námstilboð skulu vera fjölbreytt og kennsluaðstæður skipulagðar með þarfir nemendanna að leiðarljósi. Námið fer fram eftir þremur samþættum leiðum:

• Þroskamiðað nám: Áhersla lögð á að efla þroska á sviði skynjunar, hreyfingar, boðskipta, hugsunar, félags- og tilfinningalegs þroska.

• Færnimiðað nám: Áhersla lögð á að auka færni nemenda til þess að takast á við daglegt líf s.s. sjálfshjálp, einföld störf og tómstundir.

• Reynslumiðað nám: Áhersla lögð á að byggja upp reynsluheim nemenda þannig að þeir geti gert sér skýrari mynd af umhverfinu sem þeir lifa í og upplifað það á innihaldsríkan hátt.

• 

Ráðgjöf

Sérdeild Giljaskóla hefur ráðgefandi hlutverki að gegna. Markmiðið er að aðstoða við þróun starfshátta svo að betur megi koma til móts við þarfir nemenda með mikla greindarfötlun í almennu skólakerfi.

Samstarf

Sérdeildin hefur samstarf við ýmsa aðila m.a:

• Akureyrarbæ – skólaskrifstofu/fjölskyldudeild/ búsetudeild

• Skólavistunina Árholt

• Skammtímavistun Skólastíg 5

• Endurhæfingarstöðina á Bjargi

• Talmeinafræðinga

• Þekkingar- og þjónustumiðstöð sjónskertra, blindra og daufblindra

• Félagsþjónustu Norðurþings á Húsavík

• Borgarhólsskóla á Húsavík

Starfsmenn

Fjöldi starfsmanna í sérdeildinni fer eftir verkefnum hvers skólaárs. Starfsmenn sérdeildar í vetur eru:

Agla Egilson, þroskaþjálfi og kennari

Arna Tryggvadóttir, þroskaþjálfi

Hrefna Jóhannesdóttir, leikskólakennari

Hrefna Dagbjartsdóttir, íþróttakennari/stuðningsfulltrúi

Guðrún Linda Guðmundsdóttir, iðjuþjálfi

Margrét Baldvinsdóttir, stuðningsfulltrúi

Ragnheiður Júlíusdóttir, þroskaþjálfi og deildarstjóri.

.

Kennslulýsing sérdeildar

Ráðgjöf sérdeildar

Ferli umsókna um skólavist í sérdeild