Giljaskóli

Félagsmiðstöðvar eru mikilvægur þáttur í lífi barna og unglinga. Þær gegna því mikilvæga hlutverki að sinna tómstunda- og félagsmálum utan hefðbundis skólatíma. Félagsmiðstöðvum er einnig ætlað að mæta þörfum unglinga fyrir fjölbreytt frítímastarf og samveru með jafnöldrum í öruggu umhverfi. Félagsmiðstöð er staður þar sem unglingar í 8.-10. bekk hittast og kynnast og gera eitthvað saman. Lesa meira

Nú er ég að fara að ljúka mínu grunnskólanámi og þarf að fara að huga að því hvað ég geri næst. Ég ætla að hefja framhaldsnám en er ekki búinn að ákveða í hvaða skóla ég fer. Mikilvægt er fyrir framtíðina að vita hvar áhugasvið manns liggja og það er gott fyrir nemendur að vita það áður en þeir ljúka grunnskólanámi. Ýmis áhugasviðspróf eru lögð fyrir nemendur í grunnskólum til að auðvelda þeim að sjá hvar áhugasvið þeirra liggja. Því miður hjálpa próf sem þessi ekki öllum, í það minnsta, ekki sumum af þeim sem eru óöruggir um hvað þeir vilja verða. Lesa meira

Myndir hér. Lesa meira

Mánudaginn 14. maí fóru tólf galvaskir krakkar úr 9. bekk á Glerártorg til að lesa upp fyrir gesti og gangandi. Tilefnið var 150 ára afmæli Akureyrar en upplesturinn er hluti af sýningu sem Giljskóli er með á Torginu. Krakkarnir stóðu sig einstaklega vel. Fyrir marga reynist erfitt að stíga á stokk til að láta ljós sitt skína fyrir framan hóp af ókunnugu fólki. Krakkarnir létu það ekki hindra sig heldur lásu upp verkefnið sitt Dagur í lífi Akureyrings með glæsibrag. Þarna eru örugglega ræðumenn framtíðarinnar á ferð. Lesa meira

Í maí verða leik- og grunnskólar Akureyrar áberandi á hinum og þessum opinberum stöðum í bænum. Tilefnið er 150 ára afmæli bæjarins en mánuðurinn er að miklu leyti eyrnamerktur skólunum þegar kemur að hátíðarhöldunum. Hver skóli fékk úthlutað einum stað til að sýna verk nemenda og afrakstur vetrarins á þessari uppskeruhátíð leik- og grunnskólanna. Giljaskóli sýnir á Glerártorgi en sýningin var opnuð miðvikudaginn 9. maí. Þar má sjá ljósmyndir, listaverk, fatnað og smíðagripi auk skriflegra verkefna svo sem ljóð og ritunarverkefni ýmiskonar. Við hvetjum alla til að staldra við á Glerártorgi og skoða það sem fyrir augu ber. Sýningin stendur yfir til mánudagsins 21. maí en þá lýkur uppskeruhátíð skólanna. Lesa meira