Starfsmannastefna

Réttindi og skyldur starfsfólks
Réttindum og skyldum er lýst í kjarasamningum starfsfólks. Starfsmönnum er bent á að skoða vel kjarasamninga síns stéttarfélags. Starfsmenn skólans starfa í samræmi við kjarasamninga kennara, leikskólakennara,  þroskaþjálfa, STAK og Einingar.

Trúnaðarmenn:

KÍ: Sigfús Aðalsteinsson, vara: Kolbrún Jónsdóttir

Eining: Margrét Sigurðardóttir

Öryggistrúnaðarmaður: Guðmundur Skarphéðinsson.

 

Hvernig starfsfólk viljum við vera?

Til þess að skólinn geti komið vel til móts við þarfir nemenda sinna þarf hann gott starfsfólk sem tilbúið er að stilla saman strengi og vinna í sameiningu að velferð nemendahópsins og viðhalda góðum starfsanda innan skólans.Góður starfsandi byggist á því:

• að öllum líði vel við störf sín
• að leyst sé strax úr ágreiningi
• að ljóst sé hvert á að snúa sér með ágreiningsmál
• að verksvið allra starfsmanna séu ljós og skýr
• að traust ríki milli starfsmanna
• að starfsmenn beri virðingu hver fyrir öðrum
• að gætt sé trúnaðar við aðra starfsmenn, nemendur og foreldra
• að geta rætt um erfiðleika í starfi við samstarfsmenn og stjórnendur
• að starfsumhverfi sé vistlegt
• að unnið sé saman að velferð allra nemenda
• að námsgögn og kennslutæki séu aðgengileg og fyrir hendi
• að haldið sé uppi öflugu félagslífi meðal starfsmanna.
• Við viljum:
• vera alúðleg, jákvæð, lipur, glaðleg, hvetjandi, samstarfsfús, stundvís, ábyrg, tillitssöm
• að allir gangi vel um og taki til eftir sig
• að allir leggi sig fram um að hafa skóla / stofur snyrtilegar og hlýlegar.