Skólareglur

 

Skólareglur Giljaskóla

Foreldrar bera meginábyrgð á uppeldi barna sinna og ber að sjá til þess að þau séu móttækileg fyrir þeirri menntun sem skólinn annast. Í samvinnu við heimilin skal skólinn leggja áherslu á að efla siðferðisvitund og ábyrga hegðun nemenda. Skapa þarf jákvæðan starfsanda og leysa mál friðsamlega, af umburðarlyndi og virðingu við alla sem eiga í hlut. Samstarf heimila og skóla sem byggist á gagnkvæmri virðingu og trausti, samábyrgð og góðri upplýsingamiðlun stuðlar að velferð nemenda. Starfsfólk skóla og foreldrar þurfa að leitast við að vera nemendum góðar fyrirmyndir.

Skólareglur Giljaskóla eru unnar í samræmi við reglugerð nr. 270/2000 um skólareglur í grunnskóla en þar segir m.a. „Nemendum ber að hlíta fyrirmælum kennara og starfsfólks í öllu því er skólann varðar, fara eftir skólareglum og fylgja almennum umgengnisvenjum í samskiptum við starfsfólk og skólasystkin“. Skólareglur gilda í skólanum, íþróttahúsum og í öllum ferðum á vegum skólans.

Umsjónarkennari kynnir nemendum skólareglurnar og ræðir mikilvægi þeirra í skólasamfélaginu. Að hausti er farið vel yfir reglurnar en jafnframt eru þær rifjaðar upp síðar eftir efnum og aðstæðum.

Grundvallarreglur

Við eigum að:

• sýna virðingu, tillitssemi og kurteisi
• fara að fyrirmælum alls starfsfólks
• vera stundvís og hafa nauðsynleg gögn meðferðis
• skapa og virða vinnufrið
• fara vel með og bera ábyrgð á eigum okkar og annarra

 

Við eigum aldrei að:

• beita ögrunum eða andlegu- og líkamlegu ofbeldi
• koma með eða beita bareflum/vopnum eða eldfærum
• neyta tóbaks eða annarra ávana- eða fíkniefna, hvorki í eða við skólann eða nokkurs staðar þar sem við erum á vegum skólans.
• klifra á handriðum í skólanum eða henda einhverju milli hæða.

   

Umgengnisreglur 

Við höfum í heiðri heilbrigðar og hollar lífsvenjur og komum með hollt nesti í skólann. Við neytum hvorki sælgætis né gosdrykkja í skólanum nema við sérstök tækifæri. 

Við förum úr útiskóm og setjum í hillur í forstofu og hengjum upp yfirhafnir í fatahengi. 

Við nýtum frímínútur til útiveru og klæðumst eftir veðri. Útivera í frímínútum er frjálst val fyrir 8.-10. bekk og 7. bekk eftir áramót (fyrri frímínútur). 

Nemendum frá og með 5. bekk er heimilt að koma á hjóli í skólann þegar færð leyfir, en skylt er samkvæmt lögum að nota reiðhjólahjálm. Foreldrar bera ábyrgð á að þeirri skyldu sé framfylgt. 

Við notum ekki reiðhjól, hjólabretti, hlaupahjól, línu- eða hjólaskauta á skólalóðinni á skólatíma. 

Snjókast er aðeins heimilt á afmörkuðu svæði á túninu norðan skólans. Við köstum aldrei í áttina að skólanum eða í þá sem ekki eru þátttakendur í leiknum. 

Við yfirgefum ekki skólalóð á skólatíma án leyfis. 

Við notum aldrei  síma eða önnur tæki í kennslustundum eða þar sem truflun hlýst af. 

Í 1.-7. bekk erum við aldrei með tyggigúmmí í kennslustundum. Í 8.-10. bekk er það undir kennurum komið hvaða reglur gilda um slíkt.

Við förum í biðröð við skólabíl og erum aldrei með ólæti í bílnum. Við sýnum bílstjóra fyllstu kurteisi, spennum öryggisbeltin og sitjum kyrr í sætum okkar á meðan bíllinn er á ferð.

Viðurlög Viðurlögum er beitt eftir aðstæðum, eðli og alvarleika brots eða tíðni vægari brota. Áminning gefin, skráð. Kæling. Unnið í einveru eða athvarfi. Eftirseta. Skrifleg skilyrði sett af skóla og heimili. Símar og önnur tæki sem eru tekin af nem. eru afhent foreldrum í lok skóladags. Nemandi fær fylgdarmann (starfsmann eða foreldra) í frímínútum eða kennslustund. Sá sem brýtur skólareglur eða almenn lög á ferðalagi á vegum skólans er sendur heim á kostnað foreldra.

 

Úrvinnsluleiðir Foreldrar koma í skólann með nemanda til fundar. Gerður er skriflegur samningur milli foreldra, nemanda og skólans. Mál færist yfir til skólayfirvalda eða barnaverndaryfirvalda..

 

Vísanir til annarra Kennari lætur foreldra vita af stöðu mála og ræðir framhaldið. Máli vísað til skólastjórnenda. Nemanda vísað heim til næsta dags. Nemanda vísað heim í allt að fimm daga. Nemanda vísað úr skóla.

 

Við alvarleg agabrot getur komið til brottvísunar úr skóla án áminningar. Komi brottvísun til framkvæmda eiga nemandi og forráðamenn hans rétt á andmælum samkvæmt 13. grein stjórnsýslulaga nr. 37/1993. Verði ágreiningur milli forráðamanna og skólans varðandi málefni nemanda og ekki næst samkomulag getur hvor aðili um sig vísað málinu til skólanefndar og síðan menntamálaráðuneytis.

Foreldrar/forráðamenn eru látir vita samdægurs um alvarleg brot. Lögregla er kölluð til þegar ástæða þykir til þess.  Starfsmaður sem verður var við brot á skólareglum eða fær tilkynningu um það kemur upplýsingum á framfæri við umsjónarkennara.

Skólasókn og ástundun

Forföll, s.s. veikindi, fjarvist vegna óveðurs og leyfi í íþróttum og sundi skal tilkynna við upphaf kennslu hvers dags. Umsjónarkennari veitir leyfi til eins dags en um lengra leyfi þarf að sækja til stjórnenda.
Forföll sem ekki eru tilkynnt samdægurs af forráðmanni nemanda eru skráð sem óheimil fjarvist.
Langvarandi veikindi eða forföll skal staðfesta með læknisvottorði.
Nemendur sem að mati foreldra komast ekki í skólann vegna illviðris teljast vera í leyfi.

Forráðamenn nemenda geta sótt um tímabundna undanþágu frá skólasókn á sérstökum eyðublöðum. Í 8. grein grunnskólalaga segir: „Sæki forráðamaður skólaskylds barns um tímabundna undanþágu þess frá skólasókn er skólastjóra heimilt að veita slíka undanþágu í samráði við umsjónarkennara, telji hann til þess gildar ástæður. Forráðamaður skal þá sjá til þess að nemandi vinni upp það sem hann kann að missa úr námi á meðan á undanþágu stendur.“

Ef skólasókn nemenda í 1. – 7. bekk er ekki viðunandi er nemenda/foreldrum fyrst gert viðvart, síðan eru þeir boðaðir á fund með umsjónarkennara þar sem farið er yfir stöðuna og ef það ber ekki tilætlaðan árangur er málinu vísað til skólayfirvalda.

Hver nemandi í 8.-10. bekk byrjar með 10 í skólasókn í upphafi hverrar annar. Fjarvistir og seinkomur koma síðan til frádráttar. Þau stig sem eftir eru í lok annar teljast mætingareinkunn og færast á vitnisburðarblað.
Þessi einkunn er sérstök einkunn óháð frammistöðu í einstökum námsgreinum.

Gefin eru fjarvistarstig fyrir eftirfarandi þætti skólasóknar: 

Veikindi/leyfi   0 stig

Seinkoma    1 stig

Ólögmæt fjarvera     3 stig

Einkunn fyrir skólasókn er gefin skv. eftirfarandi kvarða:

Punktar  0-2 3-5 6-8 9-11 12-14 15-17 18-20 21-24 25-28

Einkunn  10 9,5 9 8,5 8 7,5 7 6,5 6

Punktar  29-32 33-3 37-41 42-46 47-51 52-56 57-60 61-64 65-68 69-

Einkunn  5,5 5 4,5 4 3,5 3 2,5 2 1,5 1

Fari skólasókn niður í einkunnina 7 fær nemandi aðvörun og er gefinn kostur á því að taka sig á. Lækki einkunnin áfram verða nemandi og forráðamenn kallaðir í viðtal og leitað leiða til úrbóta. Sjá um skólasókn nemenda í reglugerð grunnskólalaga nr. 66/1995 gr. 9 og 41 og gr. 6.

Kennarar fylgjast með ástund og hegðun nemenda og skrá upplýsingar í Mentor:

Til að fylgjast með ástundun og hegðun nemenda skrá kennarar eftirfarandi atriði í mentor þegar tilefni er til.

• Án heimavinnu
• Án gagna
• Vinnur ekki í tíma
• Truflar kennslu
• Vísað úr kennslustund

Um tvær síðasttöldu færslurnar skrifa kennarar einnig í dagbók. Tölvupóst um ástundun skal senda heim vikulega.

Nemendur sem fengið hafa færri en 6 færslur/skráningar samanlagt á öllu skólaárinu fá sérstaka viðurkenningu að vori fyrir þann árangur. Ath. ath fjarvist og vísað úr tíma teljast 3 færslur  

Umsjónarkennari / umsjónarmaður ferða á vegum skólans getur óskað eftir því að foreldri nemanda komi með í ferðina ef nemandi hefur hegðað sér með þeim hætti að ástæða þyki til. Að sama skapi getur verið ástæða til að meina nemanda þátttöku í skólaferðum.