Ráðgjöf

Sérdeild Giljaskóla hefur ráðgefandi hlutverki að gegna. Markmiðið er að aðstoða við þróun starfshátta svo að betur megi koma til móts við þarfir nemenda með mikla greindarfötlun í almennu skólakerfi. Ráðgjöf getur verið til kennara, foreldra og annarra sem tengjast hópi nemenda. Eftirtaldir þættir geta falist í ráðgjöf deildarinnar:

-      mat á námsstöðu

-      aðstoð við gerð námsáætlana

-      aðstoð við val á kennsluaðferðum

-      aðlögun námsefnis

-      aðstoð við val á kennslugögnum og tækjum til fræðslu.

Beiðni um ráðgjöf er send Fjölskyldudeild Akureyrar, skólateymi, á til þess gerðum eyðublöðum. Í beiðni skal vandinn skilgreindur ítarlega. Skólastjóri metur hvernig beiðni skuli sinnt í samráði við starfsmenn sérdeildar og felur viðkomandi fagmanni málið. Grundvöllur að árangursríkri ráðgjöf er gott samstarf, gagnkvæm virðing og traust ríki á milli ráðgjafa og ráðþega. Samningur er gerður á milli viðkomandi í þeim tilgangi að skilgreina innihald, leiðir og framvindu verkefnisins.

Í lok ráðgjafaferlis er tekin ákvörðum um eftirfylgd. Ráðgjöfin fer fram í heimaskóla á Akureyri og í sérdeildinni. Liggi fyrir skrifleg beiðni frá öðru sveitarfélagi um ráðgjöf í heimaskóla er ráðgjöfinni sinnt þar. Viðkomandi sveitarfélag stendur straum af kostnaði við ráðgjöfina.