Íþrótta- og tómstundaráð Akureyrar, ÍTA, sér um rekstur félagsmiðstöðva sem starfræktar eru við grunnskóla bæjarins.
Hlutverk félagsmiðstöðvanna er að bjóða börnum og unglinum upp á aðstöðu til að stunda hverskonar heilbrigt tómstundastarf á eigin forsendum. Dagskrá félagsmiðstöðvarinnar er alfarið í höndum unglinganna sjálfra undir leiðsögn starfsmanna.
Félagsmiðstöð við Giljaskóla var opnuð um áramót 2005-2006 og hlaut hún nafnið Dimmuborgir.
Starfsmaður í vetur er Karl Óðinn Guðmundsson. Sími hans er 847-2445 og netfangið er karlo@akureyri.is. Öllum er velkomið að hafa samband við hann ef þurfa þykir. Honum til aðstoðar er Jóhanna Guðrún Magnúsdóttir.
Félagsmiðstöðin er opin á mánudags- og miðvikudagskvöldum frá kl 19:30 - 21:30 fyrir 8.-10. bekk. Einu sinni í mánuði eru svo miðstigsopnanir fyrir 5.-7. bekk frá kl 17:00 til 19:00.
Fyrir utan föst kvöld eru starfræktir ýmsir klúbbar eins og sportklúbbur, hönnunarklúbbur, útivistarklúbbur og stelpuklúbbur.
Karl verður með viðveru í skólanum á miðvikudagsmorgnum kl. 10:00 – 12:00.
Húsnæði Dimmuborga verður opið alla morgna í umsjá Þórunnar Sigurðardóttur. Þangað geta nemendur leitað þegar gefa þarf frí í tímum m.a. vegna veikinda kennara. Þangað geta einnig leitað yngri nemendur sem vegna veikinda geta ekki farið í sund eða leikfimi.
Í félagsmiðstöðinni er fjölbreytt úrval af leiktækjum og aðstaða er góð til að hlusta á tónlist, dansa, spjalla og njóta lífsins."
