Giljaskóli

Mánudaginn 14. maí fóru tólf galvaskir krakkar úr 9. bekk á Glerártorg til að lesa upp fyrir gesti og gangandi. Tilefnið var 150 ára afmæli Akureyrar en upplesturinn er hluti af sýningu sem Giljskóli er með á Torginu. Krakkarnir stóðu sig einstaklega vel. Fyrir marga reynist erfitt að stíga á stokk til að láta ljós sitt skína fyrir framan hóp af ókunnugu fólki. Krakkarnir létu það ekki hindra sig heldur lásu upp verkefnið sitt Dagur í lífi Akureyrings með glæsibrag. Þarna eru örugglega ræðumenn framtíðarinnar á ferð. Lesa meira

Í maí verða leik- og grunnskólar Akureyrar áberandi á hinum og þessum opinberum stöðum í bænum. Tilefnið er 150 ára afmæli bæjarins en mánuðurinn er að miklu leyti eyrnamerktur skólunum þegar kemur að hátíðarhöldunum. Hver skóli fékk úthlutað einum stað til að sýna verk nemenda og afrakstur vetrarins á þessari uppskeruhátíð leik- og grunnskólanna. Giljaskóli sýnir á Glerártorgi en sýningin var opnuð miðvikudaginn 9. maí. Þar má sjá ljósmyndir, listaverk, fatnað og smíðagripi auk skriflegra verkefna svo sem ljóð og ritunarverkefni ýmiskonar. Við hvetjum alla til að staldra við á Glerártorgi og skoða það sem fyrir augu ber. Sýningin stendur yfir til mánudagsins 21. maí en þá lýkur uppskeruhátíð skólanna. Lesa meira

Ég fór á stúfana, hitti nemendur Giljaskóla á göngunum og spurði þá eftirfarandi spurninga: ,,Er eitthvað sem þér finnst vanta eða mætti betur fara í Giljaskóla”? Ekki svo að skilja að Giljaskóli sé lélegur skóli, alls ekki. Það er bara gaman að sjá hvað nemendum finnst. Ég spurði um það bil 20 krakka, bæði á unglingastigi og á miðstigi. Ég ætla að segja hér frá niðurstöðunum í stuttu máli. Lesa meira

Nýlega barst Giljaskóla góð bókagjöf. Hilda Torfadóttir, grunnskólakennari á Akureyri til margra ára, færði okkur 15 bækur um kennslu-, uppeldis- og menntamál. Lesa meira

Lýsingar á valgreinum fyrir skólaárið 2012-2013 Lesa meira